Кара-Суу шаарында «S» форматында балдар спорттук комплексинин курулуш иштери аяктап калды
- Post 08 Август 2015
Кара-Суу шаарында «S» форматында балдар спорттук комплексинин курулуш иштери аяктап калгандыгы шаар тургундарын кубандырууда. .
Кара-Суу райондук мамлекеттик администрациясынын башчысы Матраимов Тилекбек Исмаиловичтин демилгеси менен 2015-жылы жаштар үчүн Кара-Суу шаарында «S» форматында балдар спорттук комплексин куруу үчүн «Газпром-детям» программасы алкагында (проекттик баасы 100,0 млн рубль) курулушу каралган. Бул заманбап спорт комплексин куруу үчүн аким Т.И.Матрамовдун буйругу менен Кара-Суу шаарынын Манас стадионунун аймагынан 0,60 га жер аянты ажыратылган.
Бүгүнкү күндө «Ошстройсервис» ЖЧКсы курулуш ишканасы тарабынан «темир конструкцияларды орнотуу 100% бүтүп, чатыр жана дубал конструкциялары ташылып келинүүдө. Азыркы күндө обьектте отделка иштери болуп, аянтына брусчатка басылууда. Суу түтүктөрү уланып обьектке суу келтирилип курулуш иштери ушул жылдын 31-август күнүнө бүткөрүлүп аталган спорт комплекстин ачылышы Кыргыз Республикасынын Президенти А.Ш.Атамбаевдин катышуусу менен өтүшү күтүлүүдө.
